Monday, December 21, 2015

ബാല്യകാല സഖി




മലര്‍വാകച്ചോട്ടിലെ കളിവീട്ടിലും
മാവിന്‍ കൊമ്പിലെയൂഞ്ഞാലിലും
മന്ദസ്മിതത്തില്‍ മഴവില്ല്‌ ചാലിച്ച്‌
മമസഖിയായ്‌ നീയുണ്ടായിരുന്നു.
മധുകണമാം മൃദുഹാസങ്ങളും
മഞ്ജീരശിഞ്ജിതമുതിരുമാനടയും
മാന്‍മിഴിയെയ്യുമാലോലബാണങ്ങളും
മാനസവനികയില്‍ മലരുകളായിരുന്നു.
മറക്കുവാന്‍ മറന്നു മമജീവനില്‍
മമസഖി നീതന്നൊരോര്‍മകളേ
മധുരംതുളുമ്പുമാമാര്‍ദ്രമാമോര്‍മകള്‍
മറക്കുവതെങ്ങിനെ ഞാനിനിയും?