നീയറിഞ്ഞുവോ
എൻറെ സ്വപ്നഗന്ധി പൂത്തു.
കൊച്ചിതളുകൾ വിടർത്തി
പുഞ്ചിരിക്കയായ്എത്രയോ
മത്താപ്പ് പോലുള്ള പൂക്കൾ!
ഇനിയെങ്കിലും
നീയെൻറെ അരികിൽ വരൂ
ഈ സ്വപ്നഗന്ധിയുടെ താഴെ
ചന്ദ്രികാമൃത വർഷമേറ്റിനി
നിൻ പവിഴമല്ലികളുണരട്ടെ!
നമുക്കിനി
ഞാനും നീയുമെന്ന വലിയ
പ്രഹേളികക്കുത്തരം വേണ്ട.
പകരം; നമ്മളെന്ന ചെറിയ
കൂടാരത്തിൽ ചേക്കേറിടാം!
ഋതുകന്യകയുടെ മുഗ്ദമാറിടം
നുകരാം പ്രണയാമൃതം രുചിക്കാം
നമുക്കീ വസന്തത്തിലന്യോനം
രോമഹർഷങ്ങളായി മാറാം!
എൻറെ മൗനചുംബനങ്ങളെ
നീ ചൂടുനൽകിയുണർത്തുക.
ആയിരം ദളങ്ങൾ വിടർത്തി
അവ അനശ്വരങ്ങളാവട്ടെ!
ശുഭം
ഋതുകന്യകയുടെ മുഗ്ദമാറിടം
ReplyDeleteനുകരാം പ്രണയാമൃതം രുചിക്കാം
നമുക്കീ വസന്തത്തിലന്യോനം
രോമഹർഷങ്ങളായി മാറാം..!
നല്ല വരികൾ ....